Прэзідэнт Украіны Пятро Парашэнка назваў забойства былога дэпутата расійскай Дзярждумы Дзяніса Вараненкава, здзейсненае ў чацвер у Кіеве, дзяржаўным тэрарызмам з боку Расіі, паведамляе ВВС.
Як заявіў прэс-сакратар прэзідэнта Святаслаў Цаголка, такое меркаванне Парашэнка агучыў на сустрэчы з прадстаўнікамі ўкраінскіх сілавых структур, скліканай адразу пасля забойства Вараненкава.
«Падступнае забойства ў цэнтры Кіева Дзяніса Вараненкава — гэта акт дзяржаўнага тэрарызму з боку Расіі, якую ён быў вымушаны пакінуць з палітычных меркаванняў. Відавочны почырк расійскіх спецслужбаў раней неаднаразова выяўляўся ў розных еўрапейскіх сталіцах», — сказаў Парашэнка.
Ён дадаў, што Вараненкаў «быў адным з галоўных сведак расійскай агрэсіі супраць Украіны і, у прыватнасці, ролі Януковіча аб увядзенні ва Украіну расійскіх войскаў».
Цяпер чытаюць
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай29
Каментары