Кіраўнік Службы бяспекі Украіны Васіль Грыцак паведаміў, што ў выніку страляніны ў цэнтры Кіева ёсць загінулыя і параненыя, на месцы здарэння працуюць следча-аператыўныя групы Нацыянальнай паліцыі Украіны і СБУ.
Як паведаміў начальнік паліцыі Кіева, па непацверджаных дадзеных, загінуў экс-дэпутат Дзярждумы Расіі Дзяніс Вараненкаў.
Былы дэпутат Дзярждумы Ілля Панамароў напісаў у фэйсбуку, што Дзяніс Вараненкаў ішоў на сустрэчу з ім. Паводле яго слоў, забойства адбылося ў 11:25 па мясцовым часе (12:25 па Мінску).
Прэзідэнт Украіны Пятро Парашэнка выклікаў кіраўніка Службы бяспекі Украіны Васіля Грыцака.
Максакова приехала и упала в обморок pic.twitter.com/5QNBTYWg7N
Забойца дастаўлены ў бальніцу Кіева. Яго параніў ахоўнік Вараненкава. Сам ахоўнік таксама паранены. Пра гэта паведаміў намеснік кіраўніка паліцыі Кіева.
***
Спікер Міністэрства ўнутраных спраў Украіны Арцём Шаўчэнка заявіў, што за забойствам Вараненкава могуць стаяць расійскія спецслужбы.
***
Дзяніс Вараненкаў стаў дэпутатам Дзярждумы ад КПРФ у 2011 годзе і правёў у парламенце адно скліканне. Практычна ўся біяграфія звязаная з дзяржслужбай. Ён працаваў у Ваеннай пракуратуры, Дзярждуме, Вярхоўным судзе, намеснікам мэра Нар'ян-Мара ды інш. У 2015 г. Фонд барацьбы з карупцыяй Аляксея Навальнага абвінавачваў Вараненкава ў тым, што заробак чыноўніка і дэпутата наўрад ці мог дазволіць яму купіць пяць кватэр, пяць аўтамабіляў і дачу (у наступнай дэкларацыі быў указаны толькі адзін аўтамабіль).
Па-сапраўднаму праславіўся ў Расіі Вараненкаў, сыграўшы самае гучнае вяселле ў Дзярждуме. Ён ажаніўся з дэпутатам ад «Адзінай Расіі», опернай спявачкай Марыяй Максакавай.
У пачатку снежня 2016 г. Вараненкаў і Максакава пераехалі ў Кіеў. Вараненкаў даў паказанні па справе былога прэзідэнта Украіны Віктара Януковіча.
Са слоў генпракурора Украіны Юрыя Луцэнкі, паказанні Вараненкава і іншага былога дэпутата Дзярждумы Іллі Панамарова (ён таксама пераехаў ва Украіну) «сведчаць аб тым, што механізм ўводу войскаў РФ на тэрыторыю Украіны быў запушчаны Крамлём яшчэ ў снежні [2013 г.], калі Майдан яшчэ стаяў у цэнтры Кіева».
Сам Вараненкаў свае паказанні не каментаваў да лютага 2017-га. Сярод іншага, ён тады заявіў, што Крым далучылі няправільна, і ён за гэта не галасаваў — хтосьці прагаласаваў яго карткай без даверанасці, а таксама, што расійская дзяржава «звар'яцела менавіта ў псеўдапатрыятычным угары», і сітуацыя ў краіне стала «падобная на нацысцкую Нямеччыну», піша meduza.io.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары