Беларускія ўлады ў чымсьці памыліліся, уводзячы падатак на дармаедства, — ён не прайшоў праверку грамадствам. Пра гэта пасол Расіі Аляксандр Сурыкаў заявіў на прэс-канферэнцыі з нагоды Дня яднання Беларусі і Расіі 30 сакавіка ў Мінску.
— Дэкрэт № 3 — падыход да нарматыўнага акту такога ўзроўню павінен больш сур'ёзна прапрацоўвацца. Меркаванне чыноўніка ў нас галоўнае. А дзе грамадскасць? Ёсць маладзёжныя, ветэранскія, жаночыя рухі. Чаму з імі не абмяркоўваць? Каб не нараджалася потым паўмільёна паперак — маўляў, заплаці. Чаму мае рацыю той, хто прыдумаў, а не грамадства? Праблема дакумента ў тым, што ён не прайшоў праверку грамадствам. Адсюль раскол у грамадстве. Даводзіць раскол грамадства да крытычнага і грошы пад гэта атрымаць — гэта цяпер задача непрымірымай апазіцыі. Ну як так, мяне скарацілі — і прыходзіць паперка, маўляў, плаці, — лічыць Сурыкаў.
У той жа час дыпламат адзначыў, што да тых, хто свядома ўхіляецца ад працы, не плаціць падаткі, магчыма, павінны прымацца нейкія меры.
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу16
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4848
Каментары