Археолагі выявілі на ўсходзе Кітая парэшткі веліканаў узростам 5 тысяч гадоў
Кітайскія археолагі выявілі на тэрыторыі ўсходняй правінцыі Шаньдун парэшткі «гіганцкіх» людзей, якія жылі прыкладна 5 тысяч гадоў таму. Рост гэтых незвычайна высокіх для той эпохі людзей перавышаў 1,9 метра, перадаюць «Нескучные новости».
«Мы прыйшлі да такой высновы пасля вывучэння костак. Пры жыцці яны несумненна былі яшчэ вышэйшымі, — распавёў кіраўнік цэнтра вывучэння гісторыі і культуры пры Шаньдунскім універсітэце Фан Хуэй. — Думаю, такі целасклад тлумачыцца наяўнасцю багатых крыніц харчавання, да якіх гэтыя людзі мелі доступ».
Цікавая знаходка была зробленая ў ходзе раскопак, якія працягваюцца ў раёне горада Цзінань (адміністрацыйны цэнтр Шаньдун) з 2016 года. Да цяперашняга моманту навукоўцы выявілі рэшткі больш за 100 будынкаў, звыш за 200 пахаванняў і прыкладна 20 ахвярных ям. Даследчыкі мяркуюць, што выцягнутыя з-пад зямлі парэшткі належаць прадстаўнікам культуры эпохі неаліту Луншань, якія некалі засялялі басейн ракі Хуанхэ.
Каментары