Мужчына, які напаў на наведвальнікаў супермаркета ў Гамбургу, прытрымліваўся радыкальных рэлігійных поглядаў, паведамляюць інфармагенцтвы са спасылкай на заявы мясцовых уладаў.
Напад учыніў 26-гадовы мігрант, ураджэнец Аб'яднаных Арабскіх Эміратаў. Прыехаўшы ў Германію, ён падаў прашэнне аб прадастаўленні прытулку, але не атрымаў яго.
«На цяперашні момант мы можам сказаць, што, з аднаго боку, матыў учынку звязаны з рэлігійнымі абставінамі, ёсць ісламісцкі складнік. З іншага боку, ёсць таксама сведчанні псіхічнай нестабільнасці», — адзначыў на прэс-канферэнцыі сенатар па ўнутраных справах Гамбурга Эндзі Гротэ.
Па словах прадстаўніка гарадскіх уладаў, затрыманы быў вядомы органам бяспекі. У дасье спецслужбаў падазраваны быў занесены як ісламіст, але не як джыхадзіст.
Як паведамлялася, 28 ліпеня, узброены нажом мужчына напаў на наведвальнікаў супермаркета ў Гамбургу. Паводле ўдакладненых даных, адзін чалавек загінуў, сямёра пацярпелі.
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары