Жыхар Барысаўскага раёна згубіў дзяржнумар ад сваёй машыны і намаляваў яго сам
У Старых Дарогах на АЗС выявілі кіроўцу, які самастойна «аднавіў» дзяржаўны нумар аўтамабіля пасля яго страты. Цяпер на яго завялі крыміналку, паведамляе УУС Мінскага аблвыканкама.
57‑гадовы жыхар Барысаўскага раёна згубіў нумарны знак ад сваёй легкавой машыны, але не звярнуўся ў ДАІ. Замест гэтага ён вырашыў зрабіць новы нумар сам. Мужчына зняў знак са свайго грузавога аўто, зафарбаваў старыя сімвалы і ўручную намаляваў патрэбныя літары ды лічбы, пасля чаго паставіў змененую таблічку з нумарам на легкавік і працягваў на ім ездзіць.
Выявілі гэта парушэнне выпадкова: на адной з аўтазаправак у Старых Дарогах старонні чалавек звярнуў увагу на падазроны нумар і паведаміў пра гэта ў міліцыю. Пасля праверкі высветлілася, што знак падроблены.
У дачыненні да мужчыны распачалі крымінальную справу за падробку рэгістрацыйнага нумара транспартнага сродку. За гэта прадугледжана пакаранне — ад штрафу да пазбаўлення волі на тэрмін да двух гадоў.
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары
===
ага, канечне, староньні. Гэбні і мянтоў шмат разьвялося, вось сваім і павеламілі