Суд Пінскага раёна і горада Пінска пачаў паўторны рзгляд справы ў дачыненні да Алеся Аўсеенкі, якому інкрымінуецца ўдзел у несанкцыянаваным мерапрыемстве на плошчы Леніна 26 сакавіка, перадае «Медыя-Палессе».
Раней, 27 красавіка, спадар Аўсеенка ўжо быў завочна асуджаны за гэтыя дзеянні і пакараны штрафам у 20 базавых велічыняў. Аднак пінчук абскардзіў рашэнне мясцовага суда. Праз працэдурныя парушэнні Брэсцкі абласны суд адмяніў судовы вырак і вярнуў справу ў Пінск.
З самага пачатку працэс Алесь Аўсеенка вылучыў некалькі адводаў суддзю Андрэю Бычыла, аднак яны не былі задаволеныя.
Сваю віну Алесь Аўсеенка не прызнаў, хоць і не адмаўляў, што прысутнічаў на плошчы 26 сакавіка. Ён выступіў з разгорнутым спічам, у якім апісаў падзеі таго дня, абгрунтаваў сваё права на ўдзел у мірных акцыях, даў ацэнку стану з правамі чалавека ў краіне, назваў судовыя пераследы ўдзельнікаў мірных акцый палітычнымі рэпрэсіямі і прапанаваў скончыць ягоную справу за адсутнасцью складу адміністрацыйнага правапарушэння.
Таксама падсудны выступіў з некалькімі хадайніцтвамі: правядзенне працэсу па-беларуску, выклік у суд некалькіх сведак (у тым ліку кіраўніка міліцыі Пінска).
Суддзя Андрэй Бычыла пагадзіўся весці працэс па-беларуску, выклікаць сведак (акрамя кіраўніка пінскай міліцыі) і перанёс працэс на 10 жніўня.
Блогер Сярога з Расіі прыехаў на Зыбіцкую з каханай блогеркай Анечкай. Вынік: збіты ім беларус у коме, а Сярога на 5,5 года за кратамі10
Каментары