Каля ўкраінскага Луцка з 4 па 6 жніўня прайшоў адзінаццаты музычны «фестываль украінскага духу» «Бандэрштат». Сёлета фэст стаў найбуйнейшым за ўсе гады яго правядзення — больш за 12 тысяч наведвальнікаў, 2 тысячы намётаў, 3 вялікія сцэны.
Ужо традыцыйна на фэcце адчувалася і «беларуская прысутнасць». Грамадскі сектар Атраду «Пагоня» паставіў на «Бандэрштаце» свой намёт, у якім можна было набыць беларускую сувенірную прадукцыю, а таксама паразмаўляць непасрэдна з добраахвотнікамі. Адзначым, што арганізатарам фестывалю з’яўляецца дэпутат парламента Украіны Ігар Гузь, які вядомы сваёй падтрымкай беларускіх добраахвотнікаў.
У сваю чаргу, у музычнай частцы фэсту Беларусь была прадстаўленая двумя гуртамі — Akute і «Заточка». Хэдлайнерамі ж «Бандэрштату» былі «Бумбокс», «Воплі Відоплясова», »Тартак», «Антитіла», O'torvald.
У мінулыя гады на «Бандэрштаце» выступалі «Таварыш Маўзэр», Vinsent, «Сцяна», Terrakod, Brutto ды іншыя.
Акрамя музычнай сцэны, удзельнікаў фестывалю чакалі сустрэчы з ветэранамі Украінскай паўстанцкай арміі і вядомымі грамадскімі і культурнымі дзеячамі, літаратурная сцэна і шэраг лекцый на разнастайную тэматыку, этнічны кірмаш, начны кінасеанс украінскага кіно і шмат іншага.
У віцэ-спікеркі Каардынацыйнай рады Лізаветы Пракопчык сабралася $12 тысяч даўгоў106
Каментары