Следчы камітэт прыняў да вытворчасці крымінальную справу, распачатую Дэпартаментам фінансавых расследаванняў Камітэта дзяржкантролю ў дачыненні да бізнэсмена Юрыя Авяр'янава, а таксама шэрагу кіраўнікоў камерцыйных структур. Пра гэта TUT.BY паведаміла афіцыйны прадстаўнік СК Юлія Ганчарова.
Крымінальная справа расследуецца ў сувязі з ухіленнем ад выплаты падаткаў суб'ектамі гаспадарання. Па падазрэнні ў здзяйсненні супрацьпраўных дзеянняў заключаны пад варту шэсць чалавек, у тым ліку дырэктары ЗАТ «Гандлёвы свет - «Кальцо» і ТАА «Парк забаў Дрымлэнд», кіраўнік «Madison Royal Club» і іншыя.
Праводзіцца расследаванне, адзначыла Ганчарова. Юрый Авяр'янаў знаходзіцца за межамі Беларусі, удакладніла яна.
Больш за паўтары года таму ў Авяр'янава разгарэлася «вайна» з крэдыторамі за свае актывы. Тады ж бізнэсовец выклаў TUT.BY сваю версію таго, што адбылося. Акрамя таго, высветлілася, што прадпрымальнік, у якога было шмат даўгоў, асеў у Еўропе. Затым стала з'яўляцца інфармацыя, што кампаніі Авяр'янава сталі адна за адной сыходзіць у банкруцтва. Адным з апошніх гэта зрабіла ЗАТ «Гандлёвы свет — «Кальцо» (аб'ядноўвае аўтамабільны і будаўнічы рынкі і гандлёвыя цэнтры ў сталічным мікрараёне Малінаўка), судовае разбіральніцтва па якім прызначанае на 5 кастрычніка.
У пачатку «нулявых» Юры Авяр'янаў таксама ад'язджаў з Беларусі, калі на лаве падсудных апынуліся шасцёра кіраўнікоў аўтамабільнага рынку.
Цяпер чытаюць
Удава Мікіты Мелказёрава ўпершыню публічна расказала пра ноч яго смерці10
Удава Мікіты Мелказёрава ўпершыню публічна расказала пра ноч яго смерці
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА77
Каментары