Прэм'ер-міністр Польшчы Беата Шыдла заявіла, што пазіцыя Польшчы ў дачыненні да бежанцаў не зменіцца. Так яна пракаментавала заяву Еўракамісіі пра намер падаць пазоў у Суд ЕС супраць Польшчы, Венгрыі і Чэхіі за адмову прымаць бежанцаў у рамках праграмы рэлакацыі, паведамляе Радыё Польшча.
У эфіры тэлеканала TVP Info кіраўнік польскага ўрада выказала меркаванне, што палітыка ЕС у дачыненні да мігрантаў памылковая, па меншай меры, па дзвюх прычынах: яна стварае пагрозу бяспецы ў Еўропе і перашкаджае атрыманню дапамогі тымі, хто ў ёй сапраўды мае патрэбу. На думку Шыдла, у Еўропу прыбываюць у асноўным эканамічныя мігранты.
Прэм'ер таксама раскрытыкавала адхіленне Судом ЕС скаргі на прымусовы прыём бежанцаў, пададзенай Венгрыяй і Славакіяй. Яна мяркуе, што гэты крок не адпавядае асновам ЕС. На думку кіраўніка польскага ўрада, некаторыя рашэнні і дзеянні Еўракамісіі парушаюць правы краін — сяброў ЕС. «Калі згаджацца з гэтымі рашэннямі, то акажацца, што ЕС не будуецца на справядлівасці і павазе правоў дзяржаў. З гэтай перспектывы можна казаць пра канец Еўрасаюза», — заявіла Беата Шыдла.
Міністр замежных спраў Польшчы Вітальд Вашчыкоўскі таксама раскрытыкаваў адхіленне Судом ЕС скаргі Венгрыі і Славакіі. Ён падкрэсліў, што Польшча не паддасца ціску Еўрасаюза і, у выпадку неабходнасці, будзе дамагацца прызнання сваёй невінаватасці ў судзе. «Што рабіць, прыйдзецца абараняцца. Бяспека Польшчы важнейшая за неабдуманыя рашэнні еўрапейскіх органаў», — заявіў ён.
Цяпер чытаюць
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца8
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары