На Сонцы адбываецца незвычайна доўгая серыя ўспышак, чакаецца моцная магнітная бура
На Сонцы адбываецца незвычайна доўгая серыя ўспышак, якая пачалася яшчэ 4 верасня. Пра гэта паведамляе ТАСС са спасылкай на кіраўніка расійскага Цэнтра касмічнага надвор'я Інстытута зямнога магнетызму, іёнасферы і распаўсюджвання радыёхваляў Расійскай акадэміі навук.
Па словах эксперта, з 4 верасня на Сонцы адбылося ўжо 11 успышак. Спачатку адбыліся пяць невялікіх успышак класа «М» магутнасцю 4—5 балаў, затым 6 верасня — успышка класа «X» магутнасцю ў 2,2 бала, у той жа дзень здарылася экстрэмальна моцная ўспышка X9.3, на працягу ночы і дня чацвярга зафіксаваныя чатыры ўспышкі класа «М» магутнасцю ў 2, 5, 1, 2, 2 і 7,4 бала.
«Серыя ўспышак аказалася незвычайна доўгай», — адзначыў Сяргей Гайдаш.
Успышкі і выкід сонечнага рэчыва выклікалі на Зямлі магнітную буру. «Удзень 7 верасня магнітная бура дасягнула сярэдніх значэнняў. Мы ўжо маем буру магутнасцю ў 5 балаў, гэта вышэй за сярэдні ўзровень, максімальных значэнняў яна можа дасягнуць у суботу», — сказаў эксперт.
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары