Пра гэта прэм'ер-міністар Беларусі заявіў падчас урачыстай цырымоніі ўзнагароджаньня пераможцаў і ляўрэатаў рэспубліканскага конкурсу «Найлепшы прадпрымальнік 2007 году»
«Праца па стварэнні спрыяльнага дзелавога клімату ў краіне будзе працягвацца».
Пра гэта прэм’ер‑міністр Беларусі Сяргей Сідорскі заявіў 10 верасня на ўрачыстай цырымоніі ўзнагароджання пераможцаў і лаўрэатаў рэспубліканскага конкурсу «Найлепшы прадпрымальнік 2007 года», паведамляе прэс‑служба ўрада.
Як зазначыў прэм’ер, урад атрымаў афіцыйнае заключэнне Сусветнага банка і Міжнароднай фінансавай карпарацыі аб тым, што Беларусь увайшла ў лік сусветных лідэраў па правядзенні прававых рэформ, скіраваных на спрашчэнне вядзення бізнесу. Таксама Беларусь увайшла ў лік чатырох вядучых дзяржаў‑рэфарматараў у нарматыўнай і прававой сферы.
«Цяпер перад намі стаяць новыя задачы — увайсці ў лік першых 30 краін», — падкрэсліў С.Сідорскі.Ён дадаў, што ў гэтых рэйтынгах не ўлічаны макраэканамічная палітыка, якасць інфраструктуры, валютная ўстойлівасць, узровень злачыннасці. «Але ж менавіта тут зроблена дастаткова шмат у нашай краіне, і з улікам гэтых крытэрыяў рэйтынг Беларусі яшчэ вышэйшы», — лічыць прэм’ер‑міністр.
На думку кіраўніка ўрада, прадпрымальнікі павінны пераходзіць ад простых схем развіцця да больш складаных, нацыянальнаму бізнесу трэба больш актыўна ўцягвацца ў працэс інавацыйнага развіцця краіны.
«Менавіта ж прадпрымальніцкае асяроддзе заўсёды было найбольш успрымальным да ўсяго новага і перадавога. Ад бізнесу мы чакаем сацыяльнай адказнасці,адмовы ад «шэрых» схем працы, рэалізацыі доўгатэрміновых інвестыцыйных праектаў, удзелу ў вырашэнні найбольш вострых праблем нашага грамадства», — сказаў ён.
Каментары