Участковы інспектар Савецкага РУУС Мінска Сяргей Бікінееў распавёў карэспандэнту агенцтва «Мінск-Навіны» пра незвычайную просьбу, з якой да яго звярталіся жыхары раёна:
«Адпраўце мяне ў ЛПП» — з такой просьбай неаднаразова звяртаўся 25-гадовы хлопец, які жыве з бабуляй у доме на праспекце Машэрава, побач з нашым апорным пунктам.
Да 18 гадоў ён прафесійна займаўся футболам, але потым прызвычаіўся да алкаголю. Вадзілі яго да нарколага, кадавалі, нічога не дапамагло: піў, скандаліў. У выніку апынуўся ў лячэбна-працоўным прафілакторыі.
Кіраўніцтва прафілакторыя нарадавацца не магло: і ва ўсіх спартыўных мерапрыемствах ён удзельнічаў, і працаваў спраўна, і рэжым не парушаў. Увогуле, як падмянілі чалавека, — расказвае міліцыянт. —
Але варта было яму вярнуцца дадому, зноў узяўся за спіртное. Прыйшоў з ім пагутарыць, а хлопец з ходу стаў мяне ўгаворваць: адпраўце ў ЛПП. Патлумачыў, што туды трапляюць асобы, якіх некалькі разоў на год прыцягвалі да адміністрацыйнай адказнасці за знаходжанне ў грамадскіх месцах у стане алкагольнага ап'янення.
Хлопец адразу стаў выклікаць міліцыю, як вып'е. У выніку ўжо 10-ы раз у ЛПП трапляе.
Спадзяюся, што калі-небудзь ён усё ж зможа перамагчы залежнасць».
Цяпер чытаюць
«Лічу, што гэта мая місія». Беларускамоўны Павел з ДЦП выклікаў хвалю захаплення, зайздрасці і любові3
Каментары