Віцэ-спікерка КР Лізавета Пракопчык звярнулася з просьбай дапамагчы ёй з пазыкамі на $12 тысяч. Што з гэтага выйшла?
Даўгі ўтварыліся ў тым ліку праз тое, што з дзяўчынай не разлічыліся за працу.
Паўмесяца таму віцэ-спікерка Каардынацыйнай рады Лізавета Пракопчык папрасіла грамадскасць дапамагчы ёй даць рады з доўгам на $12 тысяч.
Малады палітык не столькі прасіла пра данаты, колькі cпадзявалася, што нейкі магнат перапазачыць ёй грошы з мяккімі крэдытнымі ўмовамі.
Даўгі ў Лізаветы ўтварыліся ў тым ліку праз нявыплачаныя грошы за працу ад дзвюх НДА і нервовы зрыў, пасля якога яна вымушана была прыпыніць удзел у сваіх праектах.
Як справы ў віцэ-спікеркі КР цяпер?
Дзяўчына распавяла «Нашай Ніве», што ёй падарылі $200, а таксама перапазычылі $8 тысяч. Таму цяпер яна можа аддаваць доўг аднаму чалавеку, а не многім.
«Гэта прапанаваў мне адзін са знаёмых, — расказала Лізавета. — Магчыма, будзе яшчэ $8 тысяч».
З пагрозай шпіталізацыі праз нервовы зрыў летам мінулага года Лізе прыйшлося пакінуць усе свае працы, каб адпачыць і заняцца псіхалагічным здароўем. Зараз яна вярнулася ў строй і падпрацоўвае ў якасці фрылансеркі ў маркетынгу і SMM. Праўда, амаль усе ганарары ідуць на абавязковыя выплаты накшталт арэнды кватэры і пасільнае вяртанне пазык.
Пасля выбараў у Каардынацыйную раду Лізавета плануе дадаткова працаваць барбэкам (памочніцай бармена) у адным з познаньскіх гастрамесцаў.
-
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
-
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі
-
«Бывае, за дзень ем толькі адзін раз». Колькі зарабляе таксіст у Польшчы на дзвюх працах і на што паспявае траціць грошы
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2
Каментары