«Чорны май», «Курапаты», «У горадзе чужых назваў»... Складанка, БМА-груп, 2008
Праект запісаны, змайстраваны ды спрадусаваны Андрэем Плясанавым, і ягоныя ж рукі з разарванымі кайданкамі на вокладцы.
У складанцы ўзялі ўдзел сем бардаў або музыкаў, здольных гучаць у фармаце аўтарскай песьні.Акром уласна лідэра P.L.A.N. тут пяюць Зьміцер Бартосік, аўтар славутага «Чарнобыльскага шляху» Кастусь Герашчанка, бялыніцкі блюзмэн Юры Несьцярэнка, Лявон Тышкевіч з Маладэчна, а таксама дэбютант Уладзь Крумін, лідэр гарадзенскага гурту «Здань». Жаночую бардаўскую песьню бароніць адна Таня Беланогая. На дыску — музыка шчырых пачуцьцяў, без надукучлівага ўжо сьцёбу. І тэмы барды ўздымаюць надзвычай сур’ёзныя, што бачна хоць бы з назваў кампазыцыяў «Чорны май», «Курапаты», «У горадзе чужых назваў». Крыху іронію можна ўлавіць хіба ў Бартосіка ў перапяяным «Вороне» Акуджавы. Нешта пасьля фільму «Містэрыя арганізму» яна сур’ёзна зусім не ўспрымаецца. Бартосік, дарэчы, перапеў на беларускі манер і Нікіціна. І ўсё ў перакладзе Барадуліна. Цікавы праект, зь якога можна атрымаць уяўленьне пра стан сучаснай аўтарскай песьні.
Ці варта купляць закінутую хату за адну базавую і колькі гэта каштуе насамрэч? Вось што расказваюць людзі4
Каментары