Вялікая колькасць знакамістасцяў у цэнтры Манхэтана.
Фота: Gregory Shamus/Getty Images
Ікона сучаснай музыкі Тэйлар Свіфт і гулец у амерыканскі футбол Трэвіс Келсі ажаніліся ў пятніцу, 3 ліпеня, падчас раскошнай цырымоніі, якая адбылася ў спартыўнай арэне Madison Square Garden. Інфармацыю пацвердзіў прадстаўнік спявачкі, піша People.
«Вясельныя ўборы жаніха і нявесты былі створаны атэлье Christian Dior Haute Couture. Іх распрацаваў Джонатан Андэрсан, крэатыўны дырэктар жаночых, мужчынскіх і кутурных калекцый Dior, у цесным супрацоўніцтве з маладымі. Гэта першая вясельная сукенка ад Андэрсана для знакамітасці сусветнага ўзроўню. Абутак быў выраблены на заказ Christian Louboutin, а нявеста надзела ўпрыгажэнні Cartier», — гаворыцца ў заяве прадстаўніка Свіфт.
Паводле заявы, у пары не было ні сяброўкі нявесты, ні сяброў жаніха.
Брат Тэйлар, Осцін Свіфт, стаў яе «мужчынам гонару», а брат Трэвіса, Джэйсан Келсі, быў сведкам з боку жаніха. Цырымонію, якая аб'яднала дзве сем'і, правёў іх сябар — акцёр і комік Адам Сэндлер.
Пасля таго як пару абвясцілі мужам і жонкай, на вялікіх экранах каля арэны з'явіўся надпіс: «JUST&T MARRIED!» («Толькі што пажаніліся!»).
Модны дом Dior таксама пацвердзіў, што менавіта ён стварыў вясельныя вобразы для Тэйлар і Трэвіса, адзначыўшы, што Джонатан Андэрсан і ўвесь дом Dior віншуюць маладых.
На ўрачыстасць у Нью-Ёрку прыехала мноства знакамітасцяў. Сярод гасцей былі Джыджы Хадзід, Брэдлі Купер, Дакота Джонсан, Эд Шыран, Элі Голдынг, Х'ю Грант, Джымі Фэлан і многія іншыя.
Напярэдадні вяселля пара правяла камерную рэпетыцыйную вячэру для сям'і і сяброў у тэатры Infosys, размешчаным у комплексе Madison Square Garden.
На мерапрыемства таксама прыехалі блізкія сябры пары, у тым ліку Лена Данэм, прадзюсар і сонграйтар Джэк Антонаф і спявачка і актрыса Селена Гомес.
Цяпер чытаюць
«Я асасін, бл*!» Эксперт-юрыст з СТБ неадэкватна паводзіў сябе на Зыбіцкай. Відэа сабрала мільёны праглядаў — хто ён12
Каментары
[Зрэдагавана]