Аляксандр Лукашэнка настойвае на беражлівым стаўленні да бюджэтных сродкаў. Пра гэта ён заявіў сёння на сустрэчы з прадстаўнікамі дзелавых колаў, піша БелТА.
«Калі вы пачынаеце, прытым, ведаеце, несумленна, не на падставе фактаў папракаць уладу — не толькі мяне — у цэлым уладу, я на гэта вельмі балюча рэагую. Трэба, каб было ўсё сумленна, — сказаў кіраўнік дзяржавы. — Усё павінна быць сумленна і прыстойна. Можа, дзесьці мы можам дапусціць памылку.
Але я вам гарантую, што ні капейкі я сабе ў кішэню не паклаў. Я не дазволю раскрадаць бюджэт».
Аляксандр Лукашэнка ў сувязі з гэтым адзначыў, што, як правіла, менавіта прадстаўнікі сферы бізнэсу імкнуцца нешта зрабіць танней або атрымаць большы доступ да бюджэтных сродкаў. «Праўда, у апошні час, вось і ўчора разбіральніцтва былі, больш сутыкаюся з тым, што не бізнесмэны-прыватнікі просяць падтрымкі з бюджэту — фінансавай і гэтак далей, а нашы, як іх называюць, чырвоныя дырэктары», — заўважыў ён.
«Але гэта мы з імі хутка разбярэмся, прытым да канца года з некаторымі. А то яны замест таго, каб на рынку шукаць нішы і рэалізоўваць прадукцыю, нагой дзверы ў кабінет адкрываюць да любога віцэ-прэм'ера, прэм'ера, а тыя мне прапановы шлюць: давайце $ 100 млн дамо, гэтаму 50 млн у абаротку, гэтаму — каб пагасіць крэдыты, якія ён браў на мадэрнізацыю вытворчасці.
І пайшло-паехала, — звярнуў увагу Аляксандр Лукашэнка. — гэтага быць не павінна. Бюджэтныя грошы, вы ведаеце, куды выкарыстоўваюцца. У нас не такія багатыя настаўнікі і ўрачы, калі на тое пайшло. Ды і чыноўнікі, якіх вы кастыляеце, далёка ад вас стаяць па заробку».
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага40
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага
«Лютая, абразлівая крытыка ўсяго беларускага. Але з мінулага ў будучыню немагчыма прайсці міма сучаснасці». Насевіч грунтоўна адказаў Алесю Беламу141141
Каментары