Ва Украіне знізілі дазволеную хуткасць да 50 км/г. Але беспакарана можна ездзіць 70 км/г
Згодна з пастановай Кабінета міністраў Украіны, з 1 студзеня 2018 года максімальна дапушчальная хуткасць у населеных пунктах Украіны знізілася з 60 да 50 км/г.
Ліміт перавышэння максімальнай хуткасці застаўся ранейшым — 20 км/г. Гэта значыць, што ў гарадах і вёсках Украіны можна ездзіць з хуткасцю да 70 км/г і не быць пакараным.
Новаўвядзенне — чарговы крок, каб наблізіць нацыянальнае заканадаўства да заканадаўства Еўрапейскага саюза.
У большасці еўрапейскіх краін у населеных пунктах дзейнічае менавіта такое стандартнае абмежаванне хуткасці — 50 км/г.
У Беларусі на сёння максімальна дапушчальная хуткасць у населеных пунктах складае 60 км/г (з лімітам перавышэння хуткасці ў 10 км/г). У Расіі максімальна дапушчальная хуткасць у гарадах і вёсках таксама 60 км/г, але іншы ліміт перавышэння хуткасці — 20 км/г.
У Еўропе самая вялікая максімальна дапушчальная хуткасць у населеных пунктах Косава — там можна ехаць з хуткасцю да 90 км/г.
Анжаліка Мельнікава тыдзень правяла на Шры-Ланцы і вылецела з дзецьмі ў Дубай37
Каментары