Заяву, што ў Брэсце можа з'явіцца аквапарк, зрабіў кіраўнік горада Сяргей Лабадзінскі на сустрэчы з блогерамі 9 мая, піша Blizko.by.
«Для нас гэта актуальная тэма, мы не адыходзім ад яе. Адзін з такіх пунктаў ёсць — гэта паўднёвы захад, новы мікрараён. Ён будзе забудоўвацца да кальца на Варшаўцы. І ў гэтай зоне на супрацьлеглым баку — у пойме ракі ў рамках распрацоўкі генеральнага плана будзем адпрацоўваць магчымасць пасадкі і ўпарадкавання гэтай тэрыторыі з будаўніцтвам аквапарка», — паведаміў чыноўнік.
Пакуль што найбліжэйшы для жыхароў Брэста аквапарк размешчаны ў Кобрыне.
Таксама ў найбліжэйшы час у Брэсце запланавана будаўніцтва Wellness SPA-цэнтра, які ўключае зоны водных забаў і сучасныя СПА-працэдуры. Адкрыццё чакаецца ў першым квартале 2026 года.
Раней паведамлялася пра намеры пабудаваць аквапаркі і ў іншых беларускіх абласных цэнтрах — Віцебску, Гомелі і Гродне.
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары