«Упэўнены, ён і з канём каля аркі пагаварыў». Расійскі журналіст апісаў прыезд Лукашэнкі на парад
Спецыяльны карэспандэнт расійскага выдання «Коммерсантъ» Андрэй Калеснікаў выдаў рэпартаж пра тое, як сёння тыя сусветныя лідары, якія наважыліся наведаць Маскву для ўдзелу ў парадзе 9 мая, з'яўляліся ў Крэмль на прыём да Пуціна. У сваёй звычайнай з'едліва-іранічнай манеры ён апісаў і з'яўленне ў Крамлі Лукашэнкі з сынам Колем.
«Няспешны быў, спешыўшыся, прэзідэнт Беларусі (так Калеснікаў называе Лукашэнку — Рэд.) Аляксандр Лукашэнка. Ішоў, як звычайна заклаўшы руку за борт пінжака і на ўсё звяртаючы ўвагу. Упэўнены, ён і з канём каля аркі пагаварыў.
Паралельным курсам прайшоў, як звычайна не кідаючыся ў вочы, ягоны сын Мікалай. Ішоў упэўнена, як да сябе дадому, ды і тое сказаць — з дзіцячага ўзросту ў Крамлі».
Пасля Калеснікаў згадаў пра Лукашэнку ўжо падчас апісання самога парада, звярнуўшы ўвагу на тое, што ён, у адрозненне ад палітыкаў з іншых краін, не ўставаў, калі па Краснай плошчы ішлі ягоныя вайскоўцы:
«Пайшлі адзін за адным разлікі замежных вайскоўцаў. Першымі ішлі беларусы, і Аляксандр Лукашэнка добразычліва кіўнуў ім. Але за імі прайшлі казахстанцы, і Касым-Жамарт Такаеў устаў, калі яны маршыравалі міма. Аляксандр Лукашэнка паглядзеў на яго і паківаў галавой. Ці то кіўнуў, ці то не ўхваліў…
Лідары ўсіх краін, чые вайскоўцы ішлі потым строем па Краснай плошчы, уставалі, вітаючы сваіх, так што Аляксандр Лукашэнка застаўся тут у адзіноце. Нічога такога, ён быў першым і проста не падумаў, а паглядзець яшчэ не было на каго. Шкадаваў, вядома, але не паправіш.
А быць можа, Аляксандр Лукашэнка ў думках быў ужо ў Мінску, дзе ён у гэты дзень, як звычайна, таксама прымаў парад, і тут ужо стоячы».
Лукашэнка быў у Маскве без георгіеўскай стужкі. Наяўнасць або адсутнасць стужак падзяліла гасцей парада на дзве групы
Лукашэнка пра парад Перамогі ў Маскве: Гэта самы лепшы, самы моцны парад
Лукашэнку пасадзілі на Парадзе ў Маскве з Пашынянам, а Сі Цзіньпіна з Пуціным
Пуцін амаль не казаў пра вайну ва Украіне падчас Параду Перамогі
Аляксандр і Коля Лукашэнкі прыбылі на Парад Перамогі на Красную плошчу ў Маскве
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ20
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3030
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»30
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары