У мінскім кафедральным касцёле 10 мая дыякан Аляксандр Шыманскі прыняў святарскае пасвячэнне, якое ўдзяліў арцыбіскуп Юзаф Станеўскі, паведамляе Katolik.life.
Новаму святару 35 гадоў. Ён магістр тэалогіі, паходзіць з Мінска. Скончыў гістфак БДУ, працаваў, служыў у войску, затым вырашыў стаць ксяндзом і паступіў у Гродзенскую семінарыю, якую скончыў у 2024 годзе.
Апошні раз у кафедральным касцёле Мінска святарскае пасвячэнне адбывалася чатыры гады таму. А ўвогуле ў Мінску — амаль тры гады таму.
У 2021 годзе ў кафедральным касцёле прыняў святарскае пасвячэнне Юрый Рашатко. Цяпер гэты ксёндз служыць беларускай супольнасці ў Кракаве.
У 2022 годзе ў касцёле святога Яна Хрысціцеля быў пасвечаны Марк Найдзіч. Што стала з ім — з адкрытых крыніц невядома. Дзіўна, але пасля цэлебрацыі прыміцыйнай імшы ён не ўзгадваецца ні на якіх рэсурсах. Ягоная старонка ў сацсетцы выдаленая.
Папа Леў XIV: амерыканскі місіянер у Перу, які крытыкаваў віцэ-прэзідэнта ЗША. Што вядома пра новага Папу
У Мінска-Магілёўскай дыяцэзіі дазволілі вернікам 9 мая не трымаць пятнічны пост
«Апошнімі дзецьмі, якіх блаславіў Папа Францішак, былі мае». Беларускі бізнэсовец распавёў, як хрысціў сыноў у Ватыкане
Ксяндза Акалатовіча перавялі ў калонію ў дзень святкавання Вялікадня
Такім мы яго яшчэ не бачылі: арцыбіскуп Кандрусевіч вырабіў крыж
Памілаваныя 15 чалавек, сярод якіх 13 палітвязняў15
Каментары