Экс-кандыдат у прэзідэнты, лідар грамадзянскай кампаніі «Еўрапейская Беларусь» Андрэй Саннікаў заклікаў аднавіць санкцыі супраць Аляксандра Лукашэнкі ў выпадку, калі не будзе адменена блакаванне «Хартыі'97».
Пра гэта ён заявіў у інтэрв'ю сайту.
«Блакаванне «Хартыі'97» у Беларусі абсалютна недапушчальна, і ўсе, каму дарагія прынцыпы дэмакратыі і захавання правоў чалавека, павінны заяўляць пра гэта і патрабаваць адмены гэтага рашэння. Як у Беларусі, так і за яе межамі», — мяркуе Саннікаў.
Па меркаванні палітыка, некаторыя незалежныя СМІ, «спрабуючы выратаваць сябе, мяняюць сваю пазіцыю». На гэтых словах стаіць гіперспасылка на гісторыю з «Беларускім партызанам», які пасля блакавання перайшоў у даменную зону *.by.
Саннікаў адзначае, што «Хартыя» не будзе рабіць гэтаксама: «Паслядоўнае адстойванне прынцыпаў, якія 20 гадоў таму былі закладзеныя ў дэкларацыі «Хартыя-97», з'яўляюцца адметнай рысай гэтага рэсурсу».
Палітык заклікаў бізнэс-супольнасць падтрымаць «Хартыю'97», а таксама грамадзянскую супольнасць і апазіцыю ў цэлым: «Не бойцеся гэтага рабіць. Гэта, па вялікім рахунку, забяспечыць вашу будучыню і вашу рэпутацыю ў будучыні».
-
Наста Рагатко расказала пра «тупыя ўстаноўкі», ад якіх ёй прыйшлося адмовіцца пры продажы сваёй кнігі
-
«Здзелка згарэла». Аўтар кнігі «Аўтарытарызм пад пагрозай» пералічыў падставы для аптымізму наконт будучыні Беларусі
-
«Пра нешта мы не гаворым, памоўчваем». Лукашэнка з цяжкасцю гаварыў, але настройваў генералаў на барацьбу за мір да апошняй кроплі крыві
Каментары