На Гомельскім лікёра-гарэлачным заводзе «Радамір» 47 000 пляшак гарэлкі зніклі без знаку, паведамляюць «Моцныя навіны». Для таго, каб быў прыкладна зразумелы аб'ём: для перавозкі такой колькасці гарэлкі спатрэбілася б цэлых шэсць фур.
Нястачу выявілі пры чарговай інвентарызацыі.
Шкода ацэньваецца на агульную суму больш за 250 000 рублёў.
Пасля выяўлення страты такой партыі спіртнога на заводзе, вядома ж, задаліся пытаннем: «Як?». Пасля чаго, на ўсялякі выпадак, пазбавілі прэміі («13-га заробку») брыгаду грузчыкаў, на чыім участку і прапала гарэлка.
Вядома, што ў дачыненні да шэрагу службовых асобаў прадпрыемства па гэтым факце заведзена крымінальная справа, ідзе следства.
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары