Беларускае ААТ «НДІЭВМ» сумесна з расійскім ТАА «НПК пазітрон» распрацавала новы абаронены ад кібершпіянажу камп'ютар ВМ2016, серыйны выпуск якога запланаваны на другое паўгоддзе 2018 года. Пра гэта паведамляе Дзяржкамваенпрам.
Ноўтбук мае вадкакрысталічны экран памерам 17 цаляў, працуе на расійскім чатырох'ядравым універсальным высокапрадукцыйным мікрапрацэсары «Эльбрус-4С». Ён здольны забяспечыць абарону ад несанкцыянаванага доступу да інфармацыі, а таксама прадухіліць уцечку інфармацыі за кошт пабочных электрамагнітных выпраменьванняў і навядзенняў.
Прылада выкананая з алюмініевага сплаву, што забяспечвае абарону ад механічных і кліматычных уздзеянняў, дазваляе ўсталёўваць яе на адкрытым паветры і ў памяшканні, на колавым і чыгуначным транспарце, стацыянарных і рухомых аб'ектах берагавога і марскога базавання.
ВМ2016 можа эксплуатавацца ў жорсткіх кліматычных умовах, бо вытрымлівае перапад тэмператур ад мінус 40 да плюс 50°C.
Цяпер чытаюць
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс15
Каментары