Кандыдат у прэзідэнты Расіі ад КПРФ Павел Грудзінін падчас прэс-канферэнцыі адказаў на пытанне аб спрэчцы «на вусы».
«Мы з Юрыем Аляксандравічам Дудзём, якому я гэта абяцаў, абавязкова сустрэнемся, і як толькі ён на камеру скажа, што ён лічыць гэтыя выбары сумленнымі, то я адразу пры ім пагалюся, — заявіў Грудзінін. «Але я хачу пачуць ад яго, што гэтыя выбары сумленныя», — падкрэсліў ён.
Раней Грудзінін заявіў, што праведзеныя выбары былі «самымі бруднымі на постсавецкай прасторы». Па папярэдніх дадзеных, Грудзінін набраў 11,82% галасоў.
6 лютага Грудзінін быў госцем у праграме Дудзя «вДудь». Яны пайшлі ў заклад: калі кандыдат набярэ на выбарах менш за 15%, ён зголіць вусы, без якіх яго «ніхто ніколі не бачыў», калі больш — журналіст паголіць галаву.
Цяпер чытаюць
Сям’ю з Мінска будуць судзіць за здраду дзяржаве і кантрабанду зброі. Іх, падобна, затрымалі на мяжы — вось што вядома5
Каментары