З 8 чэрвеня ў польскіх візавых цэнтрах змяняецца парадак запісу на падачу дакументаў. Для ўсіх катэгорый заяўнікаў і ўсіх тыпаў віз будзе ўведзены верыфікаваны ліст чакання, паведамляе visa.vfsglobal.by.
Пасля праходжання ўсіх неабходных этапаў рэгістрацыі заяўнік больш не будзе адразу выбіраць дату падачы дакументаў. Замест гэтага яго ўключаць у спіс чакання для атрымання свабоднага слота.
Пры гэтым без зменаў застаюцца асноўныя этапы працэдуры:
- стварэнне і актывацыя ўліковага запісу;
- выбар візавага цэнтра, катэгорыі і падкатэгорыі візы;
- загрузка фатаграфіі пашпарта і аўтаматычнае запаўненне даных;
- праходжанне праверкі асобы.
Пасля паспяховай верыфікацыі заяўка будзе дададзена ў спіс чакання. Заяўнік атрымае электронны ліст з пацвярджэннем і рэгістрацыйным нумарам.
Калі з'явяцца свабодныя месцы для падачы дакументаў, на электронную пошту прыйдзе паведамленне з магчымасцю забраніраваць дату і час візіту.
На браніраванне будзе адведзена 48 гадзін. Калі за гэты час слот не будзе выбраны, заяўку выдаляць са спісу чакання.
Таксама паведамляецца, што пры знікненні неабходнасці ў падачы дакументаў заяўнік можа самастойна адмяніць сваю рэгістрацыю ў спісе чакання праз асабісты кабінет у сістэме VFS.
Цяпер чытаюць
Шалёна папулярная мінская блогерка патраціла на святкаванне дня нараджэння амаль $16 тысяч16
Каментары