У Мінску ёсць дзіўны пераход са святлафорам, які вядзе ў тупік. Чаму так?
У сеціве завірусілася фота невялікага пешаходнага перахода са святлафорам у сталічным жылым раёне Дамброўка. Што выклікала здзіўленне ў інтэрнэт-карыстальнікаў, даведалася агенцтва «Мінск-Навіны».
Фармальна ў пешаходным пераходзе на адным з бакоў скрыжавання вуліц Аладавых і Чычурына няма нічога незвычайнага: дарожная разметка і святлафор такія самыя, як і большасць іншых у Мінску.
Аднак само скрыжаванне ў гэтай частцы з’яўляецца тупіковым і падобнае на «кішэню» ці парковачнае месца. Прылады рэгулявання там выглядаюць сапраўды дзіўна.
У спецыялізаваным мантажна-эксплуатацыйным прадпрыемстве Мінгарвыканкама патлумачылі, што дарожны знак і разметка ўсталяваныя ў адпаведнасці з зацверджаным праектам арганізацыі дарожнага руху.
«Гэты ўчастак быў прадугледжаны ў 2013 годзе як пад’язная дарога да разумнага паркінга. Пасля рэалізацыя праекта спынілася — аб’ект знесены, а пад’езд да яго закрыты і абмежаваны бардзюрным каменем, — расказалі спецыялісты. — На сённяшні дзень там сфарміраваны тупіковы ўчастак дарогі, пры гэтым раней нанесеная разметка і ўсталяваныя дарожныя знакі захаваліся ў адпаведнасці з праектнымі рашэннямі».
У канцы мінулага года ў сеціве, дарэчы, з’явілася фатаграфія з падобным скрыжаваннем пры ўездзе ў Новую Баравую. У адрозненне ад гэтага скрыжавання, там дарога заканчваецца ўязной брамай прыватнага дома.
Цяпер чытаюць
Трагедыя з 30‑гадовай доктаркай са Старобіна — пайшла выдаляць зуб мудрасці і памерла2
Каментары
Але свет змяняецца, а бюракратам да халеры. У гэтым абсурд.
а тупік