Дырэктар гродзенскай фірмы ў 100 разоў завысіў прыбытак, каб атрымаць у крэдыт 60 тысяч еўра
Каб атрымаць крэдыты, дырэктар гродзенскай фірмы падаў у банк фіктыўныя дакументы, завысіўшы рэальныя прыбыткі ў 10−100 разоў. Закладзенае ж банку абсталяванне прадпрымальнік вывез за мяжу, паведамляе УДФР па Гродзенскай вобласці.
46-гадовы дырэктар гродзенскай фірмы па вытворчасці пластыкавых вокнаў вырашыў пашырыць свой бізнес, атрымаўшы два крэдыты па 30 тысяч еўра па фіктыўных дакументах аб фінансавым становішчы сваёй фірмы. Каб сума крэдытаў была большай, ён прадстаўляў у банк дакументы аб прыбытку, завышаным у 10−100 разоў.
Вяртаць банку грошы камерсант не збіраўся. Пра гэта сведчыць тое, што ён вывез за межы Беларусі абсталяванне, якое знаходзілася ў закладзе ў банка. Сума даўгоў перад банкам зараз перавышае 30 тысяч еўра.
У дачыненні да дырэктара распачалі крымінальныя справы за выманьванне крэдыту або субсідыі.
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары