Міністр замежных спраў Украіны Павел Клімкін прапанаваў абмеркаваць магчымае ўвядзенне ва Украіне лацінкі побач з кірыліцай. Пра гэта ён напісаў на сваёй старонцы ў фэйсбуку і дадаў, што да такой ідэі яго заахвоціла прапанова гісторыка і журналіста з Польшчы Земавіта Шчэрэка, піша Радыё Свабода.
«Земавіт Шчэрэк спытаў, чаму б Украіне не ўвесці нароўні з кірыліцай лацінку. Наша мэта — фарміраванне ўкраінскай палітычнай нацыі, таму мы павінны працаваць на тое, што нас аб’ядноўвае, а не раз'ядноўвае. З іншага боку, чаму б не падыскутаваць?» — прапанаваў Клімкін.
На дыскусію адгукнуўся распрацоўнік украінскай лацінкі Юрко Зялёны. Ён напісаў у сябе ў фэйсбуку, што «кірыліца — залог культурнага адставання Украіны і яе уразлівасці».
«Сёння лацінка — гэта лепш за любую памежную паласу і нават сцяны ў 10 метраў» — такое крэда ён вынес у загаловак сваёй старонкі.
Былы намеснік міністра замежных справаў Украіны Данііл Лубкіўскі адрэагаваў на словы Клімкіна рэзка і абвінаваціў цяперашняга шэфа ўкраінскай дыпламатыі ў тым, што ён «прапануе бессэнсоўныя тэмы» замест таго, каб займацца сваёй працай. А робіць ён гэта, на думку Лубкіўскага, таму, што ён «павярхоўна разумее» Украіну і ставіцца да яе, як да нейкага «праекта», не ведаючы пра яе глыбінную культуру.
Цяпер чытаюць
Айцішнік і былы палітвязень Віктар Куўшынаў прадае за 850 тысяч еўра дом у Партугаліі, які пабудаваў паўтара года таму ФОТЫ10
Каментары