Старшыня расійскай кампартыі Генадзь Зюганаў змясціў на партыйным сайце віншаванне вернікам у гонар Вялікадня. Вось асобныя вытрымкі з гэтага «віншавання»:
«Падзеі апошняга часу сталі сутнасцю ўсяго таго, што суправаджае ўзыходжанне на шляху да Праўды і сцвярджэнні Дабра. Вяртанне Расіяй сваёй місіі вялікай дзяржавы выклікала лютае процідзеянне нашых пастаянных ворагаў, зброяй якіх сталі хлусня, пагрозы, паклёпы. Але мы гэта ўжо перажывалі. Роўна сто гадоў таму, калі пачалася інтэрвенцыя 14 дзяржаў супраць маладой Савецкай Расіі…»
«…У нашай гісторыі мы не ўпершыню сутыкаемся з лютым напорам суседзяў па планеце на нашу краіну. І нам не прывыкаць самастойна адбівацца ад цёмных сіл. Вось толькі зараз мы не адчуваем належнай падтрымкі працоўных тых краін, дзе кіруе фінансава-алігархічны капітал. Народы маўчаць, бо сталі ахвярамі сацыяльнай інжынерыі, выдасканаленых прыёмаў кіравання масавай свядомасцю, калі замест палітыкі — паліттэхналогія, замест ведаў — інфармацыя, калі не сумленне мерка ўчынкаў людзей і народаў, а чысты разлік і выгада. У такой сітуацыі нялёгка спыніць шэсце сусветнага зла».
А як вы думаеце, ці маюць камуністы маральнае права віншаваць з рэлігійнымі святамі?
Цяпер чытаюць
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін3
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1616
Каментары