«Спорт-Экспресс»: Каб «Зэніт» учора выйграў, гэта было б несправядліва
Спартовае выданьне выйшла (нумар прадаецца ў менскіх шапіках) на першай паласе з шапкай: БАТЭ -- «Газпром» -- 1:1. І падзагалоўкам: «Самы багаты клюб прэм'ер-лігі цудам пазьбег паразы на сваім полі ад футбалістаў заводу аўтатрактарнага электраабсталяваньня».
Найбуйнейшае на прасторах былога СССР спартовае выданьне выйшла (гэты нумар прадаецца сёньня ў менскіх шапіках) на першай паласе з шапкай: БАТЭ – «Газпром» – 1:1.
І падзагалоўкам: «Самы багаты клюб [расейскай] прэм'ер-лігі цудам пазьбег паразы на сваім полі ад футбалістаў Барысаўскага заводу аўтатрактарнага электраабсталяваньня».
Але гэта не іронія і паблажлівасьць з боку расейскіх журналістаў.
Аглядальнік Ігар Рабінер тлумачыць:
«Па-першае, ад імя і па даручэньні «СЭ» хацеў бы прынесьці выбачэньні перад нашымі чытачамі. Ажно да ўчарашняга дня мы згадвалі пра футбольны клюб Барысаўскага заводу аўтатрактарнага электраабсталяваньня няхай з сымпатыяй... (...) але ўсё ж замала. Пры тым, што гэта - паўнапраўны ўдзельнікі Лігі чэмпіёнаў, а значыць, які заслугоўвае да сябе такога ж стаўленьня, як «Рэал» ці «Старая Сеньёра».
«Што напрыклад, утрымала нас, журналістаў, ад камандзіроўкі ў Барысаў і стварэньня такіх жа матэрыялаў пра нечаканага суперніка па групе - тым больш фэномэн БАТЭ таго варты?
Высакамерная ўпэўненасьць у тым, што трактары няроўня прыроднаму газу, а адзін 30мільённы эўра-Дані каштуе даражэй, чым усе футбалісты БАТЭ, разам узятыя?.Ці можа дурная ўпэўненасьць у тым, што маленькі гарадок на Бярэзіне, дзе некалі адступаў Напалеон, недастойны ўвагі на фоне вялікага «Пятра тварэньня»?
Ігар Рабінер дае адказ на пастаўленае самім сабой пытаньне:
«Ня ведаю. Затое ведаю другое: клюбы, несупастаўныя па грашах і магутнасьці велічыняў, «Газпрому» і заводу электратрактарнага абсталяваньня, згулялі ўчора ўнічыю ў Піцеры.
Больш за тое, каб Зэніт учора выйграў, гэта, з майго пункту гледжаньня, было б нават несправядліва.Сьмелыя і, галоўнае, пісьменныя дзеяньні гульцоў БАТЭ у поўнай меры кампэнсавалі індывідуальную перавагу зэнітаўцаў. Беларусы нібы сваёй гульнёй крычалі, што жадаюць многага дабіцца ў футболе. А піцерцы - што ўжо дабіліся. Адчуваеце розьніцу?. (...)
Няўжо нехта заікнецца пра тое, што «Зэніт» АБАВЯЗАНЫ быў гэта матч выйграваць? Зраўняць лік - так, павінны былі. Але ня больш за тое», рэзюмуе аглядальнік «СЭ»
***
У сёньняшняй беларускай вэрсіі Спорт-Экспрессу (ён друкуецца ў Менску), матчу Зэніт - БАТЭ адведзена тры старонкі, у тым ліку: справаздача пра матч, пасьляматчавая гутарка зь Віктарам Ганчарэнкам, Паўлам Няхайчыкам, а таксама экспэртыза з галікпэрам зборнай Беларусі і ФК «Масква» Юр'ем Жаўновым.
Каментары