Усё здарылася 18 чэрвеня. У 22:30 жыхары аднаго са шматпавярховікаў у Гомелі пачулі, як штосьці хлопнула. Аказалася, невядомыя скінулі з даху шматпавярховага дома сабаку.
Абураныя людзі выйшлі на вуліцу. Прыехалі міліцыянты, следчыя.
Выйшаў і Пётр Кузняцоў, заснавальнік гомельскага партала «Моцныя навіны». Кузняцоў, па яго словах, глядзеў з сябрам футбол і піў віскі. Пасля лёг спаць, але пачуўшы, як цела сабакі ўдарылася аб зямлю, выйшаў паглядзець, што здарылася.
Пётр прызнае, што ў гэты момант быў нецвярозы, аднак ніякіх законаў пры гэтым не парушаў. «Я зрабіў заўвагу міліцыянту, што ён курыць, калi побач жанчыны, і смяецца так, быццам адбываецца нешта смешнае, калі ўсе вакол на нервах», — распавёў Кузняцоў. У адказ ад яго спачатку запатрабавалі прыбраць камеру, а потым і ўвогуле затрымалі і павезлі ў пастарунак.
Прычынай затрымання міліцыянты назвалі «з'яўленне ў нецвярозым выглядзе ў грамадскім месцы», кажа Кузняцоў.
Праўда, у міліцыі нават не сталі складаць на яго пратакол. Замест гэтага адвезлі зрабіць аналіз на алкаголь, пасля чаго даставілі дадому.
Цяпер чытаюць
Пасля беларускай вёскі Шнайдэраў больш не бянтэжыць пытанне ЛГБТ. Сям'я з Германіі, якая стала героямі прапаганды, вяртаецца ў ЕС28
Каментары