Як стала вядома «Нашай Ніве», тыдзень таму скончыў жыццё самагубствам дзесяцікласнік, вучань гімназіі №5
Справа была так: хлопец разам з кампаніяй зайшоў у краму і вырашыў «пажартаваць», закінуўшы ў заплечнік знаёмай сухарыкі.
Гэта зафіксавала камера назірання, на выхадзе падлеткаў спынілі, прыехала міліцыя.
«Потым ён меў не самую прыемную размову ў міліцыі. Інспектар нібыта казаў яму, што гэта вельмі кепска скончыцца, што ён там ледзь не ў турму сядзе і яго жыццё паламанае», — расказалі «Нашай Ніве» сябры хлопца.
Дырэктарка гімназіі №5 Таццяна Шастак гэтую версію не гатовая ні пацвердзіць, ні абвергнуць.
«Гэта ўсё чуткі, я не ведаю. Следства вядзецца, разбіраецца. Пакуль мы ўсе смуткуем, мы ў бядзе… Дзіцё вельмі добрае! Вельмі пазітыўны, вясёлы, летам працаваў у атрадах ад БРСМ», — сказала яна.
Цяпер чытаюць
Латвія «па тэхнічных прычынах» закрыла мяжу з Беларуссю12
Каментары