У Бабруйску рыбак зачапіў вудай ЛЭП — у некалькіх мікрараёнах горада выключылася святло
23 ліпеня ў Бабруйску ў некалькіх раёнах выключылася святло. Тады пра прычыны здарэння не паведамлялася. Як высветлілася, здарэнне звязанае з няшчасным выпадкам.
Бабруйчанін адправіўся лавіць рыбу ў мікрараёне Кісялевічы. Ён прыйшоў да вадаёма і не звярнуў увагу на ЛЭП. Пры гэтым з мужчынам на рыбалку адправіўся маленькі сын. У 18:18 рыбак зачапіў лінію вудай. Магутны разрад цяжка траўмаваў мужчыну, яго да гэтага часу спрабуюць вярнуць да жыцця ў рэанімацыі. Частка горада засталася без святла. На шчасце, дзіця адышло ў гэты час на бяспечную адлегласць ад бацькі і не пацярпела.
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку44
Каментары