Прэзідэнт ЗША Дональд Трамп забараніў адміністрацыі Белага дома выпускаць афіцыйную заяву пра смерць сенатара Джона Макейна. Пра гэта піша The Washington Post.
У дакуменце, падрыхтаваным прэс-сакратаром Белага дома Сарай Сандэрс і кіраўніком апарата Белага дома Джонам Кэлі, прапаноўвалася ўспомніць пра баявыя заслугі сенатара і ахарактарызаваць яго як ваеннага героя. Трамп жа вырашыў абмежавацца кароткім спачуваннем у твітары.
Сандэрс адмовілася праясніць пазіцыю Трампа. Журналісты выдання мяркуюць, што прычынай дэмаршу прэзідэнта стала крытыка Макейнам палітыкі цяперашняга гаспадара Белага дома. У прыватнасці, каменем сутыкнення паміж палітыкамі стала рэформа аховы здароўя, супраць якой выступаў Макейн.
Падчас выбарчай кампаніі Трамп высмеяў Макейна, які правёў шэсць гадоў у в'етнамскім палоне. Будучы прэзідэнт заявіў: «Ён быў героем вайны таму, што яго ўзялі ў палон. Я паважаю людзей, якія не траплялі ў палон». Пасля Трамп не прынёс прабачэнняў сенатару, але ўсё-такі стаў называць яго героем вайны.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)