Расія дэстабілізуе становішча ў шматлікіх рэспубліках былога СССР. Пра гэта заявіла канцлер Германіі нямецкім вайскоўцам, якія зараз дыслакуюцца ў Літве, піша DW.
Расія дэстабілізуе абстаноўку ва Украіне, Грузіі, Арменіі, Малдове і Азербайджане.
«Мы бачым, што, па сутнасці, амаль усе былыя савецкія рэспублікі, якія не ўваходзяць у склад ЕС і НАТА, сутыкаюцца з ўнутранымі канфліктамі, спароджанымі Расіяй», — сказала кіраўнік германскага ўрада.
Сёння ўсе гэтыя дзяржавы занятыя аднаўленнем сваёй тэрытарыяльнай цэласнасці, паколькі Расія альбо аддзяліла часткі іх тэрыторый, альбо распаліла там канфлікты, дадала Меркель. У якасці прыкладу яна назвала сітуацыю ва Украіне, Грузіі, Арменіі, Малдове і Азербайджане.
Падраздзяленні бундэсвера, якія знаходзяцца ў краінах Балтыі ў рамках місіі НАТА, неабходныя для стрымлівання гібрыднай вайны, якую вядзе Расія. Да гэтай вайны адносяцца і кібератакі, адзначыла Ангела Меркель.
Цяпер чытаюць
Ад прыватнікаў патрабуюць завесці ідэолага ў штаце — распыталі, што робяць кампаніі17
Каментары