Статкевіч выступіў супраць амерыканскай вайсковай базы ў Польшчы
Беларускі палітык Мікола Статкевіч у сваім фэйсбуку пракаментаваў намер Польшчы размясціць амерыканскую бранятанкавую дывізію ля сваёй усходняй мяжы. Ён лічыць, што такі крок можа прывесці да дэстабілізацыі рэгіёна з цяжкімі наступствамі.
Статкевіч мяркуе, што калі амерыканцы згодзяцца, то ў выніку НАТА парушыць сваю дамову з Расіяй аб неразмяшчэнні на пастаяннай аснове на тэрыторыі ўсходніх краін Альянса вайсковых кантынгентаў яго заходніх сябраў. Менавіта з-за гэтай дамовы натаўскія батальёны ў Балтыі і Польшчы кожныя паўгода робяць ратацыю свайго асабовага складу.
Палітык мяркуе, што парушэнне дамовы выкліча ў Расіі вельмі адмоўную рэакцыю. Найбольш імавернай рэакцыяй будзе размяшчэнне значных расійскіх вайсковых кантынгентаў у Беларусі. На думку Статкевіча, супрацьстаяць гэтаму Лукашэнка не зможа.
Калі ж амерыканскія і расійскія войскі будуць раздзелены толькі беларускай мяжой, то рэзка ўзрастае імавернасць выпадковых збройных сутыкненняў з наступнай эскалацыяй у паўнавартасны ваенны канфлікт, піша Мікалай Статкевіч.
Ён мяркуе, што расійскі вайсковы кантынгент на тэрыторыі Беларусі зробіць ліквідацыю яе незалежнасці пытаннем часу.
«Невядома, колькі часу будзе ў Польшчы амерыканская дывізія, калі яе ўсё ж размесцяць. А вось Расія за 180 кіламетраў ад Варшавы можа застацца назаўсёды»,
— піша палітык.
Замест размяшчэння амерыканскай дывізіі ён прапануе ўмацоўваць уласнае войска. І ўмацоўваць саюз ды ўзаемную дапамогу з суседнімі краінамі (Украінай і краінамі Балтыі).
-
«Правал, думаю. Капец». Севярынец расказаў, як Мілінкевіч скарыў вяскоўцаў ды лесавікоў на самай мяжы з Расіяй
-
Пальчыс заклікаў не перапісваць гісторыю 2020 года: Не шукайце лжывых версій мінулага
-
Бяляцкі: Далучэнне да Еўрасаюза — гэта не пытанне «хачу — не хачу», гэта пытанне выжывання беларусаў як народа
Цяпер чытаюць
Вазіў натаўцаў у Афганістан і скідваў гуманітарку ў Судане, а потым трапіў у турму па даносе сябра з Украіны3
Каментары