На пасяджэнні Камітэта ААН па правах чалавека 9 кастрычніка члены камітэта звярнуліся з пытаннямі да беларускай дэлегацыі, у тым ліку і па «справе БЕЛТА».
Прадстаўнік Следчага камітэта Беларусі, галоўны рэдактар часопіса «Папярэдняе расследаванне», Галіна Суздалева заявіла, што «справа БелТА» «сапраўды маецца».
«Следчы камітэт праводзіць расследаванне па факце несанкцыянаванага доступу да матэрыялаў платнай падпіскі Беларускага тэлеграфнага агенцтва. У рамках расследавання былі ўстаноўлены шматлікія факты неправамернага доступу да падпіскі БелТА без ведама і згоды агенцтва — без ажыццяўлення платы за падпіску, без заключэння дамоваў», - паведаміла прадстаўнік Следчага камітэта.
Яна патлумачыла, што матэрыялы, апублікаваныя на платнай падпісцы БелТА «не знаходзіліся ў адкрытым доступе», і там публікаваліся навіны, якія з'яўляліся «раней, чым на афіцыйным сайце».
«Фізічныя асобы прыцягнуты да крымінальнай адказнасці не за палітычныя погляды. За банальнае хакерства!», — падкрэсліла Галіна Суздалева.
Яна таксама адзначыла, што партал TUT.BY меў дагаворныя адносіны з Reuters і Бі-бі-сі, але службовыя асобы «у той жа самы час, не лічылі патрэбным ініцыяваць заключэнне дамовы з БелТА».
Цяпер чытаюць
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў2
Каментары