Раніцай, 20 кастрычніка каля 05:55, на 28 кіламетры аўтатрасы Кіеў — Чоп каля вёскі Мілая сутыкнуліся аўтобус «Неаплан», у якім ехалі артысты папулярнага «Дызель-шоу», і грузавік. У выніку аварыі загінула пасажыр аўтобуса - актрыса Марына Паплаўская, паведамляе kp.ua са спасылкай на Нацпаліцыю. Пішацца, што кіроўца аўтобуса ехаў з хуткасцю 100 км/г.
Марына Паплаўская — папулярная гумарыстычная артыстка і спявачка, рэдактар украінскага КВЗ, капітан каманды «Дзяўчаты з Жытоміра». Больш за 30 гадоў Паплаўская адпрацавала настаўніцай украінскай мовы і літаратуры ў школе.
«У аўтобусе знаходзіліся 14 пасажыраў. Адна жанчына загінула, чацвёра пасажыраў аўтобуса атрымалі траўмы рознай ступені цяжкасці», - распавялі ў ведамстве, дадаўшы, што ўсе пацярпелыя былі шпіталізаваны.
У фэйсбуку на старонцы «Дызель-шоу» паведамляецца, што сярод іх — Яўген Смарыгін, колішні ўдзельнік мінскай каманды КВЗ «ЧП». Яўген пераехаў ва Украіну і здымаецца цяпер у «Дызель-шоу». У Смарыгіна пералом нагі.
Цяпер чытаюць
Хлопца, які ў Лебедзевай хаяў Еўропу, асудзілі за ўдзел у пратэстах і ўхіленне ад войска4
Каментары