ЗША могуць закрыць паўднёвую мяжу краіны для мігрантаў з Лацінскай Амерыкі і забараніць ім прасіць прытулку ў Злучаных Штатах. Пра гэта стала вядома The Washington Post ад прадстаўніка адміністрацыі прэзідэнта ЗША Дональда Трампа.
Паводле інфармацыі газеты, амерыканскі лідар можа рашыцца на гэты крок, каб спыніць караван мігрантаў. які рухаецца ў бок паўднёвай мяжы ЗША. У гэтым выпадку ён задзейнічае тыя ж прэзідэнцкія паўнамоцтвы, якія выкарыстаў у 2017 годзе, калі уводзіў забарону на ўезд у краіну грамадзянам шэрагу мусульманскіх краін.
Раней Трамп накіраваў вайскоўцаў на паўднёвую мяжу для абароны амерыканскай тэрыторыі ад каравана мігрантаў. Ён назваў сітуацыю надзвычайнай і паабяцаў спыніць іх. Таксама лідар амерыканскай дзяржавы прыгразіў зрэзаць фінансавую дапамогу краінам Лацінскай Амерыкі з-за мігранцкага шэсця.
24 кастрычніка паведамлялася, што на ЗША рушыў другі караван з тысяч гандурасцаў. Тады яны знаходзіліся на адлегласці 1,8 тысячы кіламетраў ад амерыканскай мяжы.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым2
Каментары