Зяленскі расказаў, колькі ракет, КАБаў і беспілотнікаў запусціла РФ за зіму
«Нягледзячы ні на што, украінцы прайшлі гэтую складаную зіму».
«Украінцы жывуць пад тысячамі расійскіх удараў рознымі тыпамі зброі. Толькі за апошні тыдзень зімы больш за 1720 ударных дронаў, амаль 1300 кіраваных авіяцыйных бомбаў і больш чым 100 ракет розных тыпаў ужыла Расія супраць Украіны.
Але, нягледзячы ні на што, украінцы прайшлі гэтую складаную зіму, калі Расія нават не спрабавала знайсці апраўданне сваім звярыным ударам па грамадзянскай крытычнай інфраструктуры.
За тры месяцы зімы больш за 14 670 КАБаў, 738 ракет і амаль 19 тысяч ударных дронаў, з якіх большасць — гэта расійска-іранскія «шахеды», расіяне выпусцілі супраць нашых людзей», — напісаў прэзідэнт Украіны Уладзімір Зяленскі.
«Злу трэба супрацьстаяць у любой частцы свету. Калі ў Злучаных Штатаў і партнёраў будзе дастаткова рашучасці, нават самыя крывавыя дыктатары ў рэшце рэшт заплацяць за свае злачынствы. Я дзякую ўсім, хто дапамагае Украіне абараняцца і ратаваць жыцці», — напісаў ён.
Цяпер чытаюць
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых1919
Каментары