Паводле інфармацыі Reuters са спасылкай на крыніцы, падчас падрыхтоўкі аперацыі супраць Ірана прэзідэнту ЗША Дональду Трампу падрабязна растлумачылі як магчымыя рызыкі, так і патэнцыйныя перавагі такога кроку.
Трампу паведамілі пра верагоднасць значных страт сярод амерыканскіх вайскоўцаў і пра пагрозу ўдараў у адказ па базах ЗША ў рэгіёне, у тым ліку такіх, якія немагчыма будзе цалкам адбіць. Асобна абмяркоўваліся рызыкі атак з боку праіранскіх сіл у Іраку і Сірыі. Падкрэслівалася, што нават пры ўзмоцненай прысутнасці ЗША на Блізкім Усходзе сістэмы супрацьпаветранай абароны не гарантуюць стопрацэнтнай бяспекі.
Разам з тым Трампу прадстаўлялі сітуацыю як высокарызыкоўную, але такую, якая можа прывесці да значных геапалітычных зменаў у рэгіёне на карысць Злучаных Штатаў. Адзін з амерыканскіх чыноўнікаў адзначыў, што прэзідэнту апісвалі магчымы «эпахальны зрух» на Блізкім Усходзе ў выпадку поспеху аперацыі.
Напярэдадні прыняцця рашэння Трамп атрымаў шэраг брыфінгаў ад кіраўнікоў сілавых і дыпламатычных структур. У абмеркаваннях удзельнічалі прадстаўнікі разведкі, вайсковага кіраўніцтва і знешнепалітычнага ведамства. Спецыяльна ў Вашынгтон прыбыў камандуючы амерыканскімі сіламі на Блізкім Усходзе, каб далучыцца да нарадаў у Сітуацыйным пакоі Белага дома.
28 лютага Трамп абвясціў пра пачатак маштабнай аперацыі супраць Ірана; разам з ЗША ўдары наносіў і Ізраіль. Таксама ён заклікаў іранцаў скарыстаць момант для зменаў у краіне. Іранскія ўдары ў адказ закранулі шэраг дзяржаў рэгіёна, дзе размешчаныя амерыканскія вайсковыя базы.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары