Украіна ліквідавала сетку, якая дапамагала залятаць «Шахедам» з Беларусі
Ва Украіне заявілі, што ім удалося ліквідаваць сетку сувязі, якая дапамагала расійскім дронам-камікадзэ «Шахед» пранікаць на поўнач краіны з боку Беларусі. Пра гэта паведаміў міністр абароны Украіны Міхаіл Фёдараў падчас сустрэчы з журналістамі, піша «Украінская праўда».
Паводле слоў Фёдарава, гаворка ідзе пра так званую Mesh-сетку, якую выкарыстоўвалі беспілотнікі.
Яе знішчэнне, як адзначыў чыноўнік, станоўча паўплывала на абараназдольнасць Кіева і цэнтральных рэгіёнаў Украіны. Пры гэтым падрабязнасці аперацыі ён не раскрыў.
Дарадца міністра абароны Сяргей Бяскрэстнаў з пазыўным «Флэш» растлумачыў, што Mesh-сетка працуе па прынцыпе ўзаемнай рэтрансляцыі: кожны элемент сістэмы адначасова перадае сігнал іншым. Аднак для кіравання такой сеткай патрэбныя вузлавыя пункты, праз якія інфармацыя ад дронаў паступае да расійскіх аператараў. Па словах Бяскрэстнава, такія пункты знаходзіліся на тэрыторыі Расіі і Беларусі і ўяўлялі сабой, напрыклад, высокія вежы з магутнымі антэнамі, накіраванымі ў бок Украіны.
Раней прэзідэнт Украіны Уладзімір Зяленскі заяўляў, што каля беларуска-ўкраінскай мяжы размяшчалася абсталяванне, якое дапамагала наводзіць «Шахеды» на аб’екты ў заходніх рэгіёнах Украіны.
Зяленскі: Я не буду казаць, якім спосабам, але нашыя людзі займаліся тым, каб тры-чатыры рэтранслятары ўжо не працавалі на тэрыторыі Беларусі
Украінскія хакеры высветлілі, як аператары расійскіх дронаў выкарыстоўваюць Беларусь
«Беларусь нельга страчваць для Еўропы, але гэту асобу страціць дакладна варта». Зяленскі патлумачыў, чаму ўвёў санкцыі супраць Лукашэнкі
Чаму Украіна ідзе на абвастрэнне адносін з Лукашэнкам? Запыталі ў Ігара Кізіма
Пашпарты беларусаў, якія галасуюць на выбарах у КР, апрацуе кампанія, у якой апошнюю ўцечку выявілі ў 2026-м, а заснавальнікі — расіяне63
Каментары