Падчас канцэрта на ўгодкі Слуцкага паўстання міліцыя запатрабавала ў музыкаў зняць маскі
Канцэрт у Слуцкім ГДК, прысвечаны Дню герояў, адзначыўся невялікім здарэннем. Адразу пасля першай песні гурта Zanzibar, вядучы паведаміў - патэлефанавалі з міліцыі і сказалі, што ўдзельнікі групы павінны зняць маскі, піша kurjer.info.
У гэты дзень, 24 лістапада, у Слуцку выступілі салігорская «Харачакра», паэт Андрэй Хадановіч, мінскі гурт Zanzibar і легенда беларускага року Лявон Вольскі. Мерапрыемства сабрала каля 200 гледачоў. Гэта былі случчакі, госці з Мінска і Вільнюса.
Група Zanzibar выступае ў масках - такі яе сцэнічны вобраз. І ледзь скончыліся акорды першай песні, Павел Свярдлоў, вядучы канцэрту, перапыніў выступ і абвясціў: «Першы раз на сваёй практыцы бачу і чую … нам патэлефанавалі з міліцыі і сказалі, што нельга ў Слуцку выступаць у масках … Калі ў Слуцку нельга выступаць у масках… Калі шчыра, то я думаю, што трэба зайчыкаў, якія па плошчы ходзяць, Дзеда Мароза, арыштаваць,. лісічак».
Саліст каманды Zanzibar падзякаваў міліцыі за клопат і сказаў, што яны працягнуць выступіць без масак. Ён толькі папрасіў фатографаў і гледачоў: «Будзем удзячны, калі вы не будзеце здымаць нашы твары».
Крыху пазней, калі на сцэну выйшаў хэдлайнер канцэрта - Лявон Вольскі - хтосьці з залы папрасіў яго зняць акуляры. У адказ на здзіўленне глядач растлумачыў - у акулярах выступаць таксама нельга, як і ў масках. Гэтае тлумачэнне выклікала ў зале смех.
Каб не плаціць падатак на сабак, мінчукі пачалі здаваць іх у пункты адлову25
Каментары