Пінскага відэаблогера аштрафавалі за «несанкцыянаваную сустрэчу» з падпісчыкамі
Аднаго з аўтараў YouTube-канала «Топавы Пінск» Яўгена Шарыкалу аштрафавалі за арганізацыю несанкцыянаванага мерапрыемства. Падставай стала несанкцыянаваная ўладамі сустрэча з падпісчыкамі, якую правялі ў цэнтры Пінска.
Мерапрыемства прайшло ў Пінску 18 лістапада. На плошчы Леніна некалькі сотняў юных жыхароў горада сабраліся на сустрэчу з аўтарамі канала «Топавы Пінск».
Калі відэа з сустрэчы трапіла ў інтэрнэт, мерапрыемствам зацікавіліся ў пінскай міліцыі.
«Гэтае мерапрыемства было несанкцыянаваным і арганізавана з парушэннем нормаў дзеючага заканадаўства», — паведаміў у эфіры ТРК «Пінск» старшы інспектар групы інфармацыі і грамадскіх сувязей Пінскага ГАУС Аляксандр Касцюкевіч.
Паводле Tut.by, пінскія міліцыянеры правялі праверку і склалі пратакол на Яўгена Шарыкалу за парушэнне парадку арганізацыі або правядзення масавага мерапрыемства. Суд ужо прайшоў. Яўгена прызналі вінаватым і прызначылі яму 20 базавых велічынь штрафу (490 рублёў). Аўтары канала «Топавы Пінск» каментаваць сітуацыю адмовіліся.
«Мерапрыемства не мела нейкіх канкрэтных мэтаў, а проста з'яўлялася свавольствам. Вырашылі сабраць непаўналетніх, падурэць, пакрычаць на плошчы Леніна. Гэты выпадак абуральны і меў вельмі вялікі грамадскі рэзананс і ў інтэрнэце, і абмеркаванне ў сродках масавай інфармацыі. Таму гэтым пытаннем займаліся не толькі супрацоўнікі органаў унутраных спраў, але і іншыя службы», — паведаміў Аляксандр Касцюкевіч.
YouTube-канал «Топавы Пінск» стварылі браты-блізняты Яўген і Ілля Шарыкала, а таксама Багдан Астроўскі і Максім Раманенка. Хлопцам па 18-19 гадоў, усе яны з Пінска. Яны здымаюць гумарыстычныя скетчы у фарматах «Карацей кажучы» і «Кожны чалавек такі». Раней іх канал атрымаў сярэбраную кнопку YouTube за 100 тысяч падпісчыкаў. Зараз за іх творчасцю сочаць амаль 450 тысяч чалавек.
«Беларусь цябе любіць». Рэпартаж з развітання з Мікітам Мелказёравым8
Каментары