Знішчыў адзенне, выліў шампуні, сапсаваў нават кроплі для вачэй. Былы каханак ноччу прабраўся ў кватэру беларускі ў Батумі
Пасля рамана з расіянінам Марыя Акуленка засталася ні з чым і просіць дапамогі.
Пра тое, як гісторыя кахання з хлопцам-расіянінам ператварылася ў фільм жахаў, беларуска расказала ў трэдсах.
Некалькі месяцаў таму Марыя скончыла адносіны з кавалерам. Праўда, той не вярнуў ключы ад яе кватэры. Маладая жанчына дапусціла фатальную памылку — яна не стала мяняць замкі.
Спадзявалася на сумленнасць былога каханага. Была ўпэўнена, што дарослы чалавек ніколі не прыйдзе без запрашэння ў чужую кватэру. І дарма.
«Пакуль я спакойна працавала ў начную змену, ён прыйшоў у кватэру і знішчыў УВЕСЬ мой гардэроб: адзенне, бялізну, шкарпэткі, абутак, вопратку. Тое, што не змог знішчыць, клапатліва абліў ёдам».
Жадаючы адпомсціць, былы каханы павыліваў шампунь і бальзам для валасоў, а таксама такія дзявочыя радасці як парфуму ды розныя тонікі для твару. Не пашкадаваў нават кроплі для вачэй, якія Марыя нядаўна прывезла з Беларусі з разлікам, каб хапіла на год.
У гэтай няроўнай барацьбе загінула і бытавая хімія — мужчына выліў усё.
Беларуска кажа, што было б не так крыўдна, калі былы каханы знішчыў нешта з таго, што сам некалі набыў ці падарыў — але не.
У Марыі ёсць дачка — на шчасце, дзіцячыя рэчы засталіся непашкоджанымі.
Жанчына звярнулася па дапамогу, бо кажа, што засталося ў яе цэлым толькі тое, што было адзета на жанчыне. І дадае, што вырашыла агучыць сітуацыю, каб чалавек разумеў: яна не будзе маўчаць.
Менш чым за дзень допіс набраў каля 100 тысяч праглядаў і сотні каментароў з прапановай дапамогі. Адны гатовыя былі падзяліцца сваім адзеннем, іншыя паведамлялі, што хутка паедуць у Турцыю на закупы і могуць прывезці нешта з бытавой хіміі. Прапаноўвалі і забраць Марыю на некалькі дзён на адпачынак, каб дапамагчы адысці ад такой сітуацыі.
Знайшліся ахвотныя падтрымаць грашыма — з самых розных краін. З’явіліся ў каментарах крамы, якія прапанавалі Марыі завітаць да іх і выбраць бясплатна нешта з іх асартыменту.
А беларуска нарэшце выклікала майстра, каб замяніць замкі.
Завязлі ў магнітных пясках і здзівіліся цэнам у кавярнях. Беларус расказаў, як з'ездзіў з сям'ёй на машыне ў Грузію
Беларуска, уласніца рэстарана ў Батумі, апынулася ў цэнтры скандалу з сабакамі
Планавалі вяселле, але не вярнуліся з адпачынку. У аварыі ў Грузіі загінулі 21‑гадовы Глеб і 20‑гадовая Настасся з Брэста
Здзелка Трампа з Пуціным: чым за яе могуць заплаціць Украіна і Беларусь19
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары
Наабяцала хлопцу, ну, дык цяпер не шкадуй.