Грамадства6969

«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў

Баранавіцкая сярэдняя школа №1 імя Сяргея Грыцаўца апублікавала ў сваім Instagram-акаўнце патрабаванні да вонкавага выгляду вучняў. Навіна выклікала шквал абурэння ў сацсетках.

Спіс патрабаванняў для хлопцаў і дзяўчат адрозніваецца.

У хлопцаў валасы павінны быць акуратнымі, чыстымі, а іх даўжыня не павінна закрываць вушы і вочы.

Экстравагантныя і яркія прычоскі, а таксама фарбаванне валасоў у розныя колеры цалкам забараняюцца.

Трапілі пад забарону галенне і выстрыганне ўзораў на галаве.

Асобна забаронена выкарыстоўваць гель, лак і іншыя сродкі для ўкладкі, якія надаюць «занадта заўважны выгляд».

Доўгія валасы ў дзяўчат абавязкова мусяць быць сабраныя ў хвост або касу.

Забараняецца ўпрыгожваць вушы занадта буйнымі завушніцамі і іншымі кідкімі вырабамі.

Пад забаронай макіяж, манікюр з яркім пакрыццём і буйныя аксесуары, якія прыцягваюць увагу.

Каментары да паста ў профілі школы закрытыя, аднак беларусы актыўна абмяркоўваюць навіну ў Threads.

«Дзеці з кучаравымі валасамі аўтаматычна міма гэтай цудоўнай установы, я так разумею».

«У сэнсе галіцца нельга? А калі ў майго ў 15,5 гадоў ужо вусы і барада? Хаця чаго я перажываю, сын кучаравы, яго і так не пусцяць».

«Адразу згадаліся рэпартажы з Паўночнай Карэі і іх дзяржаўныя стэнды з ухваленымі партыяй фрызурамі. 2026 год на дварэ, а дзяцей спрабуюць загнаць у аднолькавыя шаблоны па малюнках».

«Многія бацькі самі хацелі б, каб сын зрабіў стрыжку і не хадзіў з валасамі да плячэй, але не могуць дамовіцца з падлеткам».

«Будзь як усе, не высоўвайся, зліся з натоўпам, не паказвайся, не самавыяўляйся, сядзі ціха, будзь непрыкметным… Вось прыкладна такі вайб ад карцінкі».

«Калі ўжо ўвядуць адзіную форму і атрыбуты для настаўнікаў, дый для прычосак патрабаванні таксама».

«Заўтра скажуць: прыгніся, ты занадта высокі; пахудзей, ты занадта тоўстая; а ты ў школу не хадзі, ты аблавухі».

«Баранавічы вырашылі адкрыць астравок Паўночнай Карэі ў сябе?»

«Дзякуй богу, што цяпер ацэньваюць веды майго дзіцяці, а не адзенне і колер валасоў. Самым правільным рашэннем было з'ехаць з Беларусі».

«Калі ўсё сутнаснае і змест адукацыі коціцца з хуткасцю святла ў тартарары, у людзей спрабуюць адцягнуць увагу шляхам зацыкленасці на форме. Фанцік важнейшы за цукерку».

Каментары69

  • Politico
    30.08.2026
    И что такого? В Англии на сайте каждой школы есть такое. Очень четко показано что именно можно носить в школу, каких цветов, на чем должна быть эмблема школы, на чем не должна.

    Установленный внешний вид, какие при чески можно, какие нельзя, какие украшения разрешаются, какие нет, какая разрешена обувь, рюкзаки, куртки. Для девочек -какой длины обязана быть юбка, какие колготки/носки можнл, какие нельзя, какой макияж/лак для ногтей можно какой нельзя (если это старшая школа). Не выполнил (а) - могут к урокам не допустить и посадить в detention, родителей в школу.

    Мы воевали в младшей школе чтобы дочке разрешили носить зимой под колготки носки. Потому что ботинки и сапоги нельзя, максимум осенние полуботинки ниже щиколотки. И что-то никто не возмущается.
  • хамса ў фіялетавым тамаці
    30.08.2026
    успамінаецца бешаная вучылка, якая аднойчы схапіла нажніцы і астрыгла хлопцу валасы, якія на ейны укус задоўгія былі.. гэта ў саўку было
  • Воўна
    30.08.2026
    З 1939 года пазабівалі тутэйгых у Баранавічах. Выраслі дзеці расейскіх забойцаў і усталёўваюць парадкі. Рабіце бунт, людўі. Дзеці і самі наплююць гэтым парадкам у твары.

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць