Сапраўдныя, не тыя, што ў аўтобусах, — а з вушамі, лапкамі і хвосцікам пупачкай.
У нашай краіне знікае пагалоўе зайцоў.Бо апошнія пяць гадоў зімы збольшага без снегу, яны псуюць і без таго нялёгкае жыццё вушастых белякоў, якія — усё яшчэ па‑старому — мімікруюць пад снег.
Сёлета зайцы панеслі нечуваныя страты ад драпежнікаў.
Прагнозы навукоўцаў не суцяшальныя: зайцы наогул могуць сысці на поўнач.
Ігар Мядзведзеў, старшы навуковы супрацоўнік Бярэзінскага біясфернага запаведніка кажа:
«Вось зараз сярэдзіна снежня, а снега няма. Заяц‑бяляк ужо даўно паліняў, стаў бялюткім. Толькі кончыкі вушэй у яго чорныя — і яго паўсюль можна адшукаць. Драпежніку наогул проста яго знайсці».
Зайцам пагражаюць не толькі ястрабы, нешта моцна не палюбілі іх мядзведзі.Прычына — бяссонніца. Мішкі не спяшаюцца класціся спаць — чакаюць снегу. Вось і шлындаюць абы‑дзе, крыўдзячы вушастых.
Праўда, навукоўцы сцвярджаюць, што мядзведзі ўсё ж пад Новы год пазасынаюць. А вось прачынаюцца яны як адзін да дня 23 лютага — гледзячы каму што святкаваць: Дзень Чырвонай Арміі (памятаеце аповесць Лынькова пра "Смелага ваяку Мішку"?) або Дзень БКА :)
Цяпер чытаюць
Свецкае жыццё Дар’і Шманай: дні нараджэння дзяцей Кіркорава і Comedy Club3
Каментары