Аргенцінскі спецыяліст Дыега Марадона, які прапусціў пачатак перадсезонных збораў мексіканскага «Дарадаса», вернецца да працы ў клубе. Пра гэта паведаміў агент аргенцінца Маціяс Морлі ў сваім твітар-акаўнце.
Пасля медыцынскага абследавання на радзіме 58-гадовы трэнер вернецца ў размяшчэнне «Дарадас». Морлі сцвярджае, што Марадона адпрацуе рэшту сезону.
29 сьнежня стала вядома, што «Дарадас» пачалі перадсезонную падрыхтоўку без Марадоны. У клубе чакалі прыбыцця спецыяліста 26 снежня, аднак ён не аб'явіўся. Знікненне спецыяліста звязвалі з яго рознагалоссямі з кіраўніцтвам каманды з Сіналоа. Марадона нібыта быў незадаволены тым, што «Дарадас» не атрымалі ўзмацнення.
Марадона працуе ў Мексіцы з восені 2018 га, пры гэтым, імаверна, захаваў за сабой пасаду ў праўленні брэсцкага «Дынама».
«Дарадас» не надта ўдала завяршылі першую палову чэмпіянату: клуб размясціўся на сёмым месцы ў турнірнай табліцы.
Каментары