Плакаты з надпісамі «Тут толькі рускія» і «Тут толькі эстонцы» на рускай і эстонскай мовах з'явіліся на трамвайных прыпынках Таліна, каб прыцягнуць увагу грамадскасці да праблемы раз'яднанасці краіны. Пра гэта паведаміла лідарка партыі Eesti 200 Крысціна Калас, паведамляе Postimees.
«Расколатае грамадства — наша рэальная праблема. Хай першым кіне ў мяне камень той, хто скажа, што сэнс плакатаў не з'яўляецца праўдай», — сказала яна.
Калас дадала, што гэта была спланаваная акцыя. «Я прашу прабачэння ва ўсіх, каго закранулі гэтыя плакаты. Мэта Eesti 200 — каб у будучыні больш ніколі не было прычын для размяшчэння падобнай рэкламы», — сказала на заканчэнне палітык.
Рускія — найбуйнейшая этнічная меншасць Эстоніі. Пры гэтым доля рускіх сярод грамадзян Эстоніі ніжэйшая за іх долю сярод усяго насельніцтва краіны, паколькі грамадзянамі ў 1990-я былі прызнаныя толькі грамадзяне даваеннай Эстонскай Рэспублікі, а таксама іх нашчадкі.
Як беларусы ў Вільні адзначылі Дзень Волі ШМАТ ФОТА4
Як беларусы ў Вільні адзначылі Дзень Волі ШМАТ ФОТА
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1111
Каментары